راشد نسیم نے عالمی ریکارڈز کی سنچری بنالی ‘پہلے پاکستانی بن گئے  

لاہور(سپورٹس رپورٹر) عالمی ریکارڈز کی مشین گن راشد نسیم نے عالمی ریکارڈز کی سنچری بنا لی۔مارشل آرٹسٹ راشد نسیم 100 ریکارڈز بنانے والے پہلے پاکستانی بن گئے، گنیز بک آف ورلڈ ریکارڈز نے راشد نسیم کے 101 ریکارڈز کی تصدیق کر دی، راشد نسیم متعدد ممالک میں بھی پاکستان کیلئے عالمی ریکارڈز بنا چکے ہیں۔راشد نسیم نے بھارت سے 35 عالمی ریکارڈز چھین لئے، راشد نسیم اٹلی میں لائیو پروگرام میں بھارت کے مارشل آرٹسٹ کو شکست دے چکے ہیں، راشد نسیم نے نن چکو ، یارڈ اسٹکس، پنچز، وال نٹ بریک، پش اپس سمیت متعدد کیٹیگریز میں عالمی ریکارڈز بنائے۔مارشل آرٹسٹ راشد نسیم مزید 20 ریکارڈز بنانے میں مصروف ہیں، گنیز بک آف ورلڈ ریکارڈز کی تصدیق کے بعد راشد کے ریکارڈز کی تعداد 121 ہو جائیگی، راشد نسیم کی اہلیہ، بیٹی اور والد بھی عالمی ریکارڈز بنا چکے ہیں۔راشد نسیم نے ایک منٹ میں سب سے زیادہ فل ایکسٹیشن پنچز مارنے کا عالمی ریکارڈ بنایا، راشد نسیم نے 350 پنچز لگا کر یہ ریکارڈ بنایا، اس سے پہلے یہ اعزاز انگلینڈ کے آئن کرافٹ کے پاس تھا، آئن کرافٹ نے 298 پنچز لگائے تھے۔انہوں نے تین منٹ میں سب سے زیادہ فل کنٹیکٹ ایلبو سٹرائیک کرنے کا بھی ریکارڈ بنایا، راشد نے تین منٹ میں 882 سٹرائیک کیساتھ ریکارڈ بنایا، اس سے قبل یہ ریکارڈ بھارت کے چنمے شرما کے پاس تھا، چنمے شرما نے 820 ایلبو سٹرائیک کیساتھ ریکارڈ قائم کیا تھا۔