سلطان جوہر ہاکی کپ : آسٹریلیا نے پاکستان کو ہرا کر تیسری پوزیشن حاصل کر لی

جوہربارو(سپورٹس ڈیسک )آسٹریلیا نے پاکستان کودوکے مقابلے میں تین گول سے شکست دیکرسلطان جوہرکپ جونیئرہاکی ٹورنامنٹ میں تیسری پوزیشن حاصل کرلی۔ آسٹریلیا نے نویں منٹ میں گول کی بدولت برتری حاصل کی۔ دومنٹ بعد ڈائلن وودراسپون نے برتری کودوگنا کردیا ۔ دوسر ے ہاف کے انچاسویں منٹ میں محمد عرفان نے گول کرکے خسارہ کم کردیا۔ کھیل ختم ہونے سے چارمنٹ قبل رضوان علی نے گول کرکے مقابلہ دودوسے برابرکردیا۔ اضافی وقت کے پہلے ہاف میں آسٹریلیا نے گولڈن گول کرکے تیسری پوزیشن چھین لی۔قومی ٹیم کو چھ میچزمیں سے تین میں شکست کا سامنا کرنا پڑا جبکہ ملائیشیا کیخلاف کامیابی حاصل کرسکی۔ہیڈ کوچ رانا مجاہد کا کہنا ہے کہ آسٹریلیا کو ہر شعبے میں آو¿ٹ کلاس کیا لیکن ناقص امپائرنگ شکست کا سبب بنی ۔