صدر مملکت پر تنقید کرنے والے پنجاب کے حکمران جدہ جانے کی تیاری کر لیں: ارشاد بھٹی

لاہور (خبر نگار) پیپلز پارٹی کے رہنما ارشاد علی بھٹی نے کہا ہے کہ آصف زرداری پر تنقید کرنے والے پنجاب کے حکمران جدہ جانے کی تیاری کر لیں قوم ان کو آئندہ انتخابات میں خود ائرپورٹ تک چھوڑ کر آئے گی۔ (ن) لیگی قیادت نے ماضی سے کوئی سبق نہیں سیکھا اور آج بھی میثاق جمہوریت پر عمل کی بجائے پیپلز پارٹی کی منتخب جمہوری حکومت کے خلاف سازشوں میں مصروف ہیں۔ سمجھ نہیں آتی کہ پنجاب کے حکمران صوبہ میں بڑھتی ہوئی کرپشن اور بیڈ گورننس کو ٹھیک کرنے کی بجائے سارا زور پیپلز پارٹی پر تنقید کیوں لگا دیتے ہیں۔