جیمزبانڈ سیریزکی فلموں میں برطانوی خفیہ ایجنٹ زیرو زیرو سیون کا مرکزی کردارادا کرنے والے اداکارڈینیئل کریگ نے افغانستان کا اچانک دورہ کرکے فوجیوں کوحیران کردیا۔

افغانستان میں برطانوی فوجیوں کے کیمپ بیسچئین میں آٹھ سوکے قریب فوجی سکائی فال فلم دیکھنے کی تیاری کررہے تھے کہ اچانک ڈینئیل کریگ ان کے سامنے آگئے،اداکارکو دیکھ کرفوجیوں کی حیرانگی دیدنی تھی،اس دوران کریگ نے فوجیوں کے استعمال میں رہنے والی کچھ مشین گنوں کو بھی استعمال کرکے دیکھا۔ ڈینئیل کریگ کو جیمز بانڈ سیریزکا سب سے کامیاب بونڈ ایجنٹ قراردیا گیا ہے اوران کی فلم اس وقت دنیا بھر میں بھرپورکامیابیاں سمیٹ رہی ہے۔