شیخوپورہ+ چھاچھرو (نامہ نگارخصوصی+ نوائے وقت رپورٹ) شرقپور میں پریذائیڈنگ آفیسر محمد جاوید کے گھر سے بیلٹ پیپر برآمد اسے گرفتار کرلیا گیا۔ بتایا گیا ہے کہ محمد جاوید پولنگ کا سامان اور بیلٹ پیپر پولنگ سٹیشن کی لے جانے کی بجائے اپنے گھر لے گیا اور گھر جاکر سو گیا۔ مخبری ہونے پر مقامی پولیس نے پریذائیڈنگ آفیسر کو پولنگ کے سامان سمیت گرفتار کرلیا۔ علاوہ ازیں چھاچھرو کے وارڈ نمبر3 میں پریذائیڈنگ افسر کو گرفتار کرلیا گیا۔ پولیس کے مطابق پریذائیڈنگ افسر پولنگ کا سامان لے کر فرار ہو رہا تھا۔