فیصل آباد: ڈکیتی‘ راہزنی وچوری کی متعدد وارداتیں، مزاحمت پر شہری زخمی

فیصل آباد (نمائندہ خصوصی) فیصل آباد شہر اور نواح میں ڈکیتی ، راہزنی و چوری کی متعدد وارداتوں کے دوران مزاحمت پر شہری کو زخمی کر دیا گیا۔ کاریں، موٹرسائیکل، نقدی، زیورات، موبائل، قیمتی پارچہ جات اور لاکھوں روپے سے شہری محروم ہو گئے۔ تفصیلات کے مطابق تھانہ کھرڑیانوالہ کے علاقہ مکوآنہ میں مسلح ڈاکوؤں نے موٹرسائیکل چھیننے کے دوران مزاحمت کرنے پر چھری سے وار کر کے کامران کو زخمی کر دیا اور موٹرسائیکل چھین کر فرار ہو گئے۔ غلام محمد آباد کے علاقہ دلدار چوک میں جان خاں سے دو لاکھ روپے، ملت ٹاؤن کے علاقہ قائم سائیں روڈ پر فرخ امین سے ایک لاکھ 60ہزار روپے اور موبائل فون، شوگر موڑ پر علی رضا کی والدہ سے نقدی اور سامان، پیپلزکالونی کے علاقہ چھوٹی ڈی گراؤنڈ میں زوہیب سے 45ہمار اور موبائل فون، کھرڑیانوالہ کے علاقہ چک نمبر206ر۔ب میں رضوان سے نقدی و موبائل فون، چک نمبر421گ۔ب میں عباس سے نقدی اور موبائل، ٹھیکری والا کے علاقہ بورڈ آفس کے قریب بلال سے پانچ ہزار روپے اور موبائل فون، جڑانوالہ روڈ پر عبدالرحمن سے پندرہ ہزار روپے اور موبائل فون، کھرڑیانوالہ کے علاقہ پیراڈائز کے پاس اویس سے پچاس ہزار روپے اور موبائل فون، سرگودھا روڈ کے علاقہ ملت ٹاؤن میں محمد عمران سے 60ہزار اور موبائل فون، چک نمبر215ر۔ب میں عمرحیات کے گھر سے نقدی موبائل اور زیورات چھین کر لے گئے۔ غلام محمد آباد کے علاقہ چک نمبر217ر۔ب میں یٰسین کی حویلی سے بھینسیں، ماموں کانجن کے علاقہ 556گ۔ب میں عمران کی دکان سے سامان، جھمرہ کے علاقہ چک نمبر118ج۔ب میں شفاقت کی حویلی سے دو لال پمپ، کھرڑیانوالہ کے علاقہ پٹھان والی پلی پر ارشاد کی دکان سے سامان، تاندلیانوالہ کے علاقہ جلہ موڑ پر ناصر کی دکان سے سامان، غلام محمد آباد کے علاقہ محلہ عثمان غنی میں طاہر کے گھر کے تالے توڑ کر نقدی اور زیورات، سول لائن کے علاقہ نگینہ سینما کے باہر سے عمر کی کار چوری کر کے لے گئے جبکہ سعید آباد سے ناصر، چک نمبر147ر۔ب سے مبشر، نشاط آباد سے مبشر، ہاؤسنگ کالونی میں احتشام، فیض چوک سے شاہد، فتح آباد سے عمران، گٹ والا سے جہانزیب، عمران، چک نمبر659گ۔ب سے اسد اللہ، بائی پاس سے طارق کی موٹرسائیکلیں چوری کر لی گئیں۔ جھنگ بازار کے علاقہ لیاقت آباد میں فہد کے گھر سے مسلح افراد نقدی تین لاکھ روپے چھین کر فرار ہو گئے۔ اڈا ورکشاپ میں بوٹا، العزیز ہوٹل کے سامنے اسناد، بانو مارکیٹ سے واحد، نشاط آباد محلہ حیدر آباد میں طاہر، جھنگ روڈ پر وقار، کچہری بازار میں علی ر ضا، 76گ۔ب میں اسد، عمر، چک 86ج۔ب میں اصغر، داؤد کالونی سے حسنین، 105گ۔ب میں عمران، دارالاحسان ٹاؤن میں ایوب، 412گ۔ب میں پرویز کی موٹرسائیکلیں چوری و چھینی گئیں۔ غلام محمد آباد میں مجاہد، بولیدی جھگی میں غلام شبیر، سدھار میں زاہد، چک نمبر69ر۔ب مییں اسلم کی دکان سے چور نقدی و قیمتی سامان لے اڑے‘ محلہ فاروق آباد میں شبیر، رحمان آباد میں رحمت علی کے 15سوتر کے بورے، بھائی والا میں ظفر کے گھروں سے چور قیمتی سامان لے اڑے۔ نور کالونی میں اختر، چک نمبر9ج۔ب میں شہری سے نقدی موبائل فون، چک نمبر61گ۔ب میں طارق سے موبائل فون و نقدی چھین لی گئی۔