400طلباء نے پاک فوج کے ساتھ دن گزارا، چکلالہ میں یادگار شہداء پر بھی حاضری

راولپنڈی (آئی این پی) یونیورسٹی و کالجز کے 400طلباء پر مشتمل وفد نے پاک فوج کے ساتھ دن گزارا، طلبہ نے چکلالہ میں یادگار شہداء پر حاضری دی اور پھول چڑھائے، طلباء کو پاک فوج کی دفاعی صلاحیتوں سے آگاہ کیا گیا۔ ہفتہ کو پاک فوج کے شعبہ تعلقات عامہ (آئی ایس پی آر)کے مطابق یونیورسٹی و کالجز کے 400طلباء پر مشتمل وفد نے پاک فوج کے ساتھ دن گزارا، راولپنڈی کور کے زیر اہتمام پروگرام منعقد کیا گیا، طلباء کو پاک فوج کی دفاعی صلاحیتوں س آگاہ کیا گیا، طلبہ نے چکلالہ میں یادگار شہداء پر پھول چڑھائے اور فاتحہ خوانی کی، طلباء کو پاک فوج کے سازوسامان اور چھوٹے ہتھیاروں کی فائرنگ سے متعلق بھی بتایا، طلباء نے پاک فوج کے عزم، حوصلے اور پیشہ ورانہ مہارت کی تعریف کی۔