پیپلز پارٹی صوبائی حلقہ200 کا اجلاس 15 دسمبر کو بلاول بھٹو کی ملتان آمد اور جلسے اور استقبال کی تیاریوں کا جائزہ لیا گیا

ملتان (سپیشل رپورٹر)پیپلز پارٹی صوبائی حلقہ 200 کے کارکنوں کا ایک اجلاس سابق وائس چیئرمین یونین کونسل بستی نو حاجی فدا حسین بھٹی کی رہائش گاہ پر منعقد ہوا اجلاس میں سلیم الرحمن میؤ‘ ملک شبیر گرو‘ میاں فدا حسین بھٹی‘ شفقت بھٹی ایم رمضان بھٹی خالد ہراج‘ مہر منور میتلا‘ ظہور حسین بھٹی‘ امین بھٹی محمد اسلم گجر سمیت دیگر کارکنان نے شرکت کی۔ اجلاس میں 15 دسمبر کو بلاول بھٹو زرداری کی ملتان آمد اور قلعہ کہنہ قاسم باغ میں جلسے اور استقبال کی تیاریوں کا جائزہ لیا گیا اور فیصلہ کیا کہ 15 دسمبر کو سید علی حیدر گیلانی کی قیادت میں ایک بہت بڑا جلوس جلسہ میں شریک ہو گا۔