کراچی (کرائم رپورٹر) کراچی کے علاقے نیو کراچی گبول ٹائون کی تولیہ فیکٹری میں لگی آگ پر 8 گھنٹے کی جدوجہدکے بعدقابو پالیا گیا ہے‘ آتشزدگی سے کروڑوں کا سامان جل کر راکھ ہو گیا‘فائر فائٹر سمیت 4 افراد زخمی ہو گئے۔ نیو کراچی صنعتی ایریا میں رات گئے اچانک تولیہ فیکٹری میں آگ بھڑک اٹھی اور دیکھتے ہی دیکھتے آگ نے شدت اختیار کر لی اور پوری فیکٹری کو اپنی لپیٹ میں لے لیا۔ شعلے ہر طرف پھیل گئے۔ دھویں کے سیاہ بادل دور دور تک دکھائی دیئے۔واقعہ کے بعد فائربریگیڈ کی 10 گاڑیاں آپریشن کیلئے پہنچیں اور آگ پر قابو پانے کی کوشش کی‘ فائر فائٹرز نے پہلے فیکٹری کے داخلی اور خارجی راستوں پر لگی آگ کو بجھایا‘ سنارکل سے بھی مدد لی گئی‘ شدید نوعیت کی آگ نے ساتھ والی