لاہور(کلچرل ڈیسک) گلوکارہ انیقہ علی کا کہنا ہے کہ تانگاں تیریاں کی ریلیز پر شوبز سے تعلق رکھنے ساتھی فنکاروں اور پرستاروں نے بے حد سراہا ہے۔ سوشل میڈیا پر جس انداز میں پذیرائی ملی ہے اس سے بہت حوصلہ افزائی ہوئی ہے۔ بیرون ملک سے بھی تعریفی پیغامات موصول ہو رہے ہیں۔ میں نے ہمیشہ معیاری کام کو ترجیح دی ہے کبھی بھی تعداد کی طرف توجہ نہیں دی۔ شروع دن سے کم اور معیاری کام کرنے کی کوشش کی ہے۔ یاداں تیریاں سے بہت امیدیں ہیں۔ اس گانے پر بہت محنت کی ہے ابتدائی رسپانس حوصلہ افزا ہے۔ میوزک دھیرو نے دیا ہے جبکہ کمپوزیشن ناصر حسین کی ہے۔شاعری عبداللہ چلی کی ہے اور مکس افضل حسین نے کیا ہے۔ یہ ایک ٹیم ایفرٹ ہے میں نے کوشش کی ہے کہ بہترین انداز میں گا کر پرستاروں اور سننے والوں کو اچھا میوزک دے سکوں۔