نواز شریف کو خصوصی دعاﺅں میں رخصت کیا گیا ،قریبی رشتہ داروں کی بھی آمد ،صدقہ دیا گیا

 پاکستان مسلم لیگ (ن) کے قائد محمد نواز شریف کو خصوصی دعاﺅں میں جاتی امراءسے روانہ کیا گیا ،شریف خاندان کے انتہائی قریبی عزیز و اقارب بھی جاتی امراءپہنچے ۔تفصیلات کے مطابق سابق وزیراعظم محمد نواز شریف کی علاج کےلئے بیرون ملک روانگی کے پیش نظر ان کے انتہائی قریبی عزیز وا قارب رات کو ہی جاتی امرائے رائے ونڈ پہنچ گئے ۔ نواز شریف کی والدہ بیگم شمیم اختر، صاحبزادی مریم نواز ،دیگر اہل خانہ اور عزیز و اقارب نے نواز شریف کو خصوصی دعاﺅں کے ساتھ سفر پر رخصت کیا ۔ ذرائع کے مطابق اس موقع پر صدقہ بھی دیا گیا ۔