فیروز والہ : پولیس وردیوں میں ملبوس 12ڈاکوئوں نے 5گھرلوٹ لئے 

فیروز والہ (نامہ نگار ) پولیس کی وردیوں میں ملبوث بارہ رکنی ڈکیت گینگ نے پانچ گھروں کا صفایا کر دیا ڈاکو ڈیڑھ کروڑ روپے مالیت کے زیورات نقدی اور دیگر قیمتی سامان کے علاوہ لائسنسی اسلحہ بھی لوٹ کر لے گئے۔ ڈاکوئوں نے واردات کے دوران اہل خانہ کو یرغمال بنایا اور تشدد کا نشانہ بنایا۔ ڈاکوئوں کے بارہ رکنی گروہ نے پولیس کی وردیاں پہن کر پولیس چوکی فتو والا کے قریب گائوں میں داخل ہو کر پانچ گھروں محمد نواز، قیصر مشتاق، اسد علی ، جاوید احمد کے گھروں میں گھس کر اہل خانہ کو یرغمال بنا لیا اور باری باری تلاشی لے کر 55 تولے زیورات اور 50 لاکھ روپے کی رقم‘ لائسنسی اسلحہ موبائل فون اور قیمتی سامان بھی لوٹ کر لے گئے ۔ ڈاکوئوں نے کالا شاہ کاکو کے قریب عاشق علی سے موٹر سائیکل اور ایک لاکھ روپے کی رقم چھین لی۔ نا معلوم افراد نے کالا شاہ کاکوکے قریب سرکاری اہلکار عبدالقیوم کی کار چوری کر لی ‘ پولیس مقدمات درج کر لیے۔