تیزرفتاری پر ڈرائیور اپنی ہی ٹرالی کے ٹائروں تلے آ کر جاںبحق

لاہور(نامہ نگار)چوہنگ کے علاقے میں تیز رفتار ٹرالی بے قابو ہو کر فٹ پاتھ پر چڑھ گئی ۔جس کے نتیجے میں ڈرائیورنیچے گرنے سے ٹائروں تلے کچلاگیا اور موقع پر ہی جاں بحق ہو گیاہے۔ تفصیلات کے مطابق چوہنگ کے علاقے شاہ پور کانجراں میں اینٹوں کی ٹرالی بے قابو ہوکر فٹ ہاتھ پر چڑھ گئی ۔جس کے نتیجے میں ڈرائیور گر کر اپنی ہی ٹرالی کے ٹائر تلے آکر موقع پر ہی ہلاک ہو گیا ہے ۔ متوفی ڈرائیور 25سالہ ساجد حسین پتوکی کا رہائشی تھا ۔اطلاع ملنے پر پولیس نے  موقع پر پہنچ کرلاش قبضے میں لے لی اور ضروری قانونی کارروائی کے بعد تدفین کے لیے ورثاء کے حوالے کردی ہے۔