لاہور ( نمائندہ خصوصی ) گلوکارہ اینڈ ماڈل عظمیٰ خان نے کہا ہے کہ شوبز کی دنیا میں ہمیشہ اعلی اور معیاری کام کو ترجیح دی ‘ ہر کام کو منصوبہ بندی اور سوچ بچار کے بعد انجام دیتی ہوں ‘ پرستاروں نے جو محبت دی کبھی فراموش نہیں کرسکتی۔ مستقبل میں کوشش ہوگی کہ محنت اور لگن سے کام کروں اور امیدو ں پر پورا اتر سکوں۔ میں قسمت سے زیادہ مسلسل محنت اورجدوجہد پر یقین رکھتی ہوں محنت کے بغیر کوئی انسان کامیابی حاصل نہیں کرسکتا اس لئے میں آج اپنی پہنچان بنانے میں کامیاب ہوں۔ خوبصورتی چہرے میں نہیں بلکہ دیکھنے والے کی آنکھ میں ہوتی ہے۔ خوبصورتی قابلیت کا معیار نہیں‘ کسی انسان کی خوبصورتی سے قابلیت کا اندازہ نہیں لگایا جا سکتا۔ شہرت کی بلندیوں کے باوجود دماغ آسمان پر نہیں‘ سب سے عاجزی اورانکساری سے پیش آتی ہوں۔