رائیونڈ(نمائندہ نوائے وقت+نامہ نگار) اے ایس پی رائیونڈ سرکل بلال محمود چیئرمین سید ظفر ساجد اور سینئر نائب صدر سید قمر جعفری کی انکے دفتر میں ملاقات ہوئی۔ بلال محمود سلہری نے کہا کہ میری سرکل میں تعیناتی میرٹ پر ہوئی تھی اور میری رائیونڈ سرکل تعیناتی کو چودہ ماہ ہوگئے ہیں اس دوران میں نے سینکڑوں منشیات فروشوں قبضہ گروپوں اور ناجائز اسلحہ کے متعدد کیس رجسٹرڈ کروائے۔ تارو گل گاؤں سمیت متعدد نوگو ایریاز کو کلیئر کرایا جہاں اس سے قبل پولیس اہلکار جانے سے کتراتے تھے۔
میں نے ان علاقوں میں قانون کی رٹ قائم کی ۔تھانہ کلچر میں ٹاؤٹ مافیا کو لگام ڈالی۔ سرکل کے پولیس سٹیشنز میں بری شہرت رکھنے والے تمام پولیس ملازمین کو نکال دیا ۔
