ن لیگ کو جھٹکا،ملک حفیظ الرحمان ٹیپوبرادری، پینل سمیت پی ٹی آئی میں شامل

 اسلام آباد( وقائع نگار) سابق چیئرمین یوسی بھڈانہ کلاں و سابق امیدوار این اے 54 اسلام آبا دملک حفیظ الرحمان ٹیپو اپنی برادری پینل اور سا تھیو ں سمیت مسلم لیگ ن کو چھوڑ کر پی ٹی آئی میں شا مل ہو گئے شمولیت کا اعلان انہوں نے ایک تقریب میں مرکزی رہنما پی ٹی آئی علی نواز اعوان جمشید مغل عامر مغل قاضی تنویر زبیر فاروق خان ودیگر رہنماں کی موجودگی میں کیا اس موقع پر ملک افتخار ملک عرفان ملک شکیل خالد بھٹی و دیگر بھی موجود تھے ملک حفیظ الرحمان ٹیپو اس بروقت اور دلیرانہ فیصلے کو پورے علاقے وحلقے میں بھرپور سراہا جارہا ہے اس سے قبل وہ مسلم لیگ ن کے متحرک رہنما تھے پی ٹی آئی میں شمولیت کے بعد ملک حفیظ الرحمان ٹیپو نے کہا کہ فیصلہ سوچ سمجھ کر اور عوام علاقہ کے مفاد میں کیا عمران خان وہ واحد لیڈر ہیں جو ملک کو ترقی اور خوشحالی کی راہ پر گامزن کر سکتے ہیں سابق وفاقی وزیر اسد عمر نے بھی حلقے اور ہر یوسی میں ریکارڈ ترقیاتی کام کرائے جو قابل تعریف ہیں ۔ پی ٹی آئی کے مرکزی رہنما علی نواز اعوان نے کہا کہ ہم ملک حفیظ الرحمان ٹیپو اور ان کی تمام برادری وساتھیوں کو شمولیت پر دل کی اتھاہ گہرائیوں سے خوش آمدید کہتے ہیں پی ٹی آئی ان کی شمولیت سے مزید مضبوط ہوگی انہوں نے کہا کہ ملک حفیظ الرحمان ٹیپو انتہائی مخلص اور قابل شخصیت ہیں اور پورا علاقہ ان سے والہانہ محبت رکھتا ہے کامیابی انشااللہ ان کا مقدر ہے انہوں نے کہا کہ اسد عمر لانگ مارچ کی مصروفیات کی وجہ سے تقریب میں شریک نہ ہو سکے مگر انھوں نے اپنے خصوصی پیغام میں ملک حفیظ الرحمان ٹیپو اور انکی پوری ٹیم کو پی ٹی آئی میں شمولیت پر خوش آمدید کہا ہے۔