راولپنڈی (سٹاف رپورٹر)اے این ایف نے اسلام آباد انٹرنیشنل ائیرپورٹ فلائٹ نمبر GF 771 سے بحرین جانے والے ملزم کے پیٹ سے 73 ہیروئن بھرے کیپسولز برآمد کر لئے ،خوشاب کا رہائشی ملزم گرفتار کر لیا،اسلام آباد موٹر وے سنگجانی ٹول پلازہ پر کار سے 90 کلو چرس اور 40 کلو 800 گرام افیون برآمد کر لی ،افغان باشندہ گرفتار لیا گیا، انٹرنیشنل ائیرپورٹ فلائٹ نمبر QR 628 نائجیریا سے آنے والی خاتون کے پیٹ سے کوکین بھرے 4 کیپسولز برآمد کر لئے گئے،خانیوال کے قریب کاروائی کرتے ہوئے اسلحے سمیت 1 کلو 700 گرام ہیروئین ،7 کلو چرس اور ہیروئن مکس کرنے والی مشین برآمد کر لی گئی ۔ ملزمان کو گرفتار کر کے انسدادِ منشیات ایکٹ کے تحت مقدمات درج کر کے تحقیقات کا آغاز کر دیا گیا ہے ۔