لاہور(اسپورٹس رپورٹر) فیفا ورلڈ کپ 2022دیکھنے کیلئے حیا کارڈ رکھنے والے افراد اپنے 3 دوستوں کو بھی مدعو کرسکتے ہیں۔ فیفا ورلڈ کپ انتظامیہ نے کہا ہے کہ کوئی بھی شخص جس کے پاس حیا کارڈ ہے وہ اپنے تین دوستوں کو ورلڈ کپ دیکھنے کیلئے قطر بلا سکتا ہے،اس سکیم کا نام حیا مع 1+3 رکھا گیا ہے اور یہ سہولت ایسے افراد کیلئے ہے جو قطر کے شہری ہوں اور نہ ہی ان کے پاس حیا کارڈ ہو،اس کیلئے پہلی شرط یہ ہے کہ آپ کے پاس حیا کارڈ ہو، چھ ماہ سے زیادہ کا ویزہ ہو،قطر میں قیام گاہ کی تصدیق کی دستاویزات ہونی چائیں اور پانچ سو ریال فیس کی ادائیگی کی جا چکی ہو ایسی شرائط پوری کرنے والے افراد کوحیا کارڈ کی درخواست کی منظوری کے بعد ان 3افراد کو بیرون ملک سے قطر میں داخل ہونے کے اجازت نامے پر مبنی ای میل موصول ہوگی۔