گجرات + ڈسکہ (نامہ نگاران‘ نمائندہ خصوصی) سردی کے آغاز کے ساتھ ہی گجرات میں بجلی کی غیراعلانیہ لوڈشیڈنگ کا سلسلہ شروع۔ گرمی کے جاتے ہی اور سردی کے  آغاز کے ساتھ ہی گجرات میں بجلی کی غیراعلانیہ لوڈشیڈنگ کا سلسلہ شروع ہو گیا ہے۔ شہر کے مختلف علاقوں میں جمعرات کے روز وقفے وقفے سے بجلی بند ہوتی رہی جس سے عوام کو دشواری کا سامنا کرنا پڑا۔ گیپکو حکام کے مطابق آنے والے دنوں میں مزید لوشڈیڈنگ کا خدشہ ہے کیونکہ نہروں کی بندش کے باعث پیداوار کم ہو جاتی ہے۔ ڈسکہ سے نامہ نگار خصوصی کے مطابق ڈسکہ اور نواح میں گیس کی غیراعلانیہ لوڈشیڈنگ شروع ہو گئی۔