تجاوزات مافیا کےخلاف ایم سی ایل کا شکنجہ،32 مقامات پر آپریشن

لاہور(خبرنگار)تجاوزات مافیا کے خلاف ایم سی ایل کا شکنجہ سخت ،ایڈمنسٹریٹر ایم سی ایل رافعہ حیدر کی ہدایت پر انسداد تجاوزات کا اہم آپریشن،شہر کے 32 مقامات پر جاری خصوصی انسداد تجاوزات آپریشن میں اہم مقام پر بڑی کارروائی،چیف آفیسر اقبال فرید کی نگرانی میں زونل آفیسرریگولیشن تنویر بلوچ کا ہال روڈ اور ملحقہ علاقوں میں بھاری مشینری کے ساتھ اپریشن کیا گیا۔ 3 کلومیٹر علاقے میں کئے گئے آپریشن میں ہال روڈ، بیڈن روڈ اور لکشمی چوک شامل ہیں۔علی الصبح کئے آپریشن میں 100 سے زائد پختہ شیڈ اور تھڑے مسماراور140 سے زائد تجاوزات کا سامان ضبط کیا گیا۔ آپریشن کے دوران 5 ٹرک سے زائد سامان قبضے میں لیا گیا۔اس حوالے سے ایڈمنسٹریٹر ایم سی ایل رافعہ حیدرکا کہنا تھا کہ ہال روڈ اور ملحقہ علاقے سے بڑی تعداد میں بینر اور سٹریمر ہٹائے گئے۔تجاوزات کے باعث ہال روڈ پر ٹریفک بہاو¿ شدید متاثر تھا۔انسداد تجاوزات سے ٹریفک نظام میں بہتری کے ساتھ آمد و رفت میں آسانی ہوگی۔ان کامزید کہنا تھا کہ زونل افسران دوبارہ تجاوزات قائم نہ ہونے کو یقینی بنائیں۔