فیروز والہ :ڈکیتی‘ متعدد وارداتیں ‘شہری لاکھوں نقدی ‘قیمتی اشیاءسے محروم

 فیروز والہ( نامہ نگار) ڈکیتی‘چوری اور راہزنی کی متعدد وارداتوں کے دوران ڈاکوو¿ں کی لوٹ مار۔ ڈاکوو¿ں نے شہریوں کو لاکھوں روپے مالیت کے زیورات، نقدی ‘ قیمتی سامان سے محروم کردیا۔ 10 افراد سے 10 موٹر سائیکلیں اور 15 موبائل، نقدی چھین کر لے گئے۔ رانا ٹاو¿ن کے قریب ڈاکو ماں بیٹے سے موٹر سائیکل اور نقدی دو موبائل چھین کر فرار ہو گئے۔جاوید نگر ٹول پلازہ کے قریب ڈاکو ارشاد احمد اور اس کے دوست سے 80 ہزار روپے رقم دو موبائل اور موٹر سائیکل چھین کر لے گئے۔ ڈاکومختلف علاقوں سے آصف، رحمت ،قیصر اورعاشق وغیرہ سے موٹر سائیکلیں ہزاروں روپے کی نقدی اور موبائل فونز چھین کر لے گئے۔ شہزاد ٹاو¿ن میں ڈاکو محنت کش کے گھر داخل ہو کر خواتین کو یرغمال بنا کر پانچ لاکھ روپے نقدی، لاکھوں روپے مالیت کے زیورات اور دیگر قیمتی سامان لوٹ کر لے گئے۔