جارحانہ کھیل سے بھارتی شائقین کو چپ کرائیں گے : پیٹ کمنز

لاہور(سپورٹس رپورٹر)آسٹریلوی کپتان پیٹ کمنز نے بھارت کے احمد آباد کے سٹیڈیم میں بھارتی شائقین کو خاموش کرانے کی ٹھان لی ہے۔ آسٹریلوی کپتان نے فائنل میں ٹیم کو بھارتی شائقین کے سامنے جارحانہ کھیل پیش کرنے کا مشورہ دیا ۔ پتا ہے شائقین کی سپورٹ یکطرفہ ہوگی، لیکن کھیل میں اس سے زیادہ اطمینان بخش اور کوئی بات ہی نہیں کہ اپنی صلاحیت سے ایک بڑے ہجوم کو خاموش کرایا جائے اور یہی ہمارا مقصد ہے۔ ہم فائنل کھیلنے کےلئے ہر طرح سے تیار ہیں، ہم جانتے ہیں شائقین کی حمایت نہیں ہوگی لیکن اس کےلئے ہم تیار ہیں۔