قاسم علی خان نے پانچواں چیئرمین واپڈا گالف ٹورنامنٹ جیت لیا

لاہور(سپورٹس رپورٹر)جم خانہ کے قاسم علی خان نے پانچواں چیئرمین واپڈاامیچورز گالف ٹورنامنٹ جیت لیا۔ حسین حامد نے دوسری اورر خالد محمود نے تیسری پوزیشن حاصل کی۔سابق وائس چیف آف آرمی سٹاف جنرل احسن سلیم حیات (ریٹائرڈ)اختتامی تقریب کے مہمانِ خصوصی تھے۔ چیئرمین واپڈا اور واپڈا سپورٹس بورڈ کے سرپرست اعلیٰ انجینئر لیفٹیننٹ جنرل سجاد غنی(ریٹائر)، ممبر فنانس نوید اصغر چوہدری، ممبر واٹر جاوید لطیف نے شرکت کی۔ چیئرمین واپڈا نے کہا کہ تاریخ اِس بات کی گواہ ہے کہ کھیل اور ا قوام نے ہمیشہ ایک ساتھ تنزلی یا ترقی کی ہے اور یہی وجہ ہے کہ واپڈا پاکستان میں کھیلوں کے فروغ کےلئے نمایاں کردار ادا کررہا ہے۔ واپڈا پاکستان میں کھیلوں اور کھلاڑیوں کی سرپرستی جاری رکھے گا۔ لیڈیز کیٹیگری کے گروس مقابلوں میں بشریٰ فاطمہ نے پہلی اور نیٹ مقابلوں میں اینا جیمز گل نے پہلی پوزیشن حاصل کی۔ ویٹرنز کیٹیگری کے گروس مقابلوں میں بریگیڈیئر انوارالحق نے پہلی اور نیٹ مقابلوں میں جاوید اے خان نے پہلی پوریشن حاصل کی۔ انوی ٹیشنل کیٹیگری کے گروس مقابلوں میں لیفٹیننٹ جنرل (ریٹائرڈ) ہلال حسین نے پہلی اورنیٹ مقابلوں میں حامد یعقوب شیخ نے پہلی پوزیشن حاصل کی۔ سینئر امیچورز کیٹیگری کے گروس مقابلوں میں عبدالروف علی نے پہلی اور نیٹ مقابلوں میں خالد چوہدری نے پہلی پوزیشن حاصل کی۔