قصور‘فیصل آباد‘کھاریاں میںمقابلے ‘دو ڈاکو ہلاک‘ چارزخمی 

   قصور‘فیصل آباد‘ کھاریاں (نمائندہ نوائے وقت‘نمائندہ خصوصی) پولیس مقابلوں میں دو ڈاکو ہلاک اور چارزخمی ہوگئے ۔قصورتھانہ صدر قصور کے علاقہ دولے والا کے قریب پولیس مقابلہ،اپنے ساتھیوں کی فائرنگ سے خطرناک ڈاکو ہلاک جبکہ دو ساتھی موقع سے فرا ر ہوگئے‘ زخمی ڈاکووں کو حراست میں لے لیا گیا‘ تھانہ سٹی تاندلیانوالہ ستیانہ روڈ پر مسلح ڈاکوئوں کا گروہ ناکہ لگا کر راہگیروں کو لوٹ رہا تھا کہ پولیس کو اطلاع مل گئی‘ پولیس موقع پر پہنچی تو ڈاکوئوں نے پولیس پر فائرنگ کرنی شروع کر دی پولیس نے بھی حفاظت خود اختیاری کے تحت جوابی فائرنگ کی، فائرنگ رکنے کے بعد پولیس نے سرچ آپریشن کیا تو دو ڈاکو اپنے ہی ساتھیوں کی فائرنگ کی زد میں آ کر زخمی حالت میں پڑے تھے ۔کھاریاں میں ایک ڈاکو اپنے ہی ساتھیوں کی فائرنگ سے ہلاک ،2 ڈاکو زخمی ہو گئے‘نامعلوم ڈاکوئوں نے ڈکیتی کے دوران 2 افراد کو لوٹ لیا اور انہیں گولیاں مار کر زخمی کر دیا اور فرار ہو گئے ۔