لاہور (خصوصی نامہ نگار) متروکہ وقف املاک بورڈ حکومت پاکستان کے زیر انتظام بابا گورو نانک کے 555 ویں جنم دن کے موقع پر بھارت سمیت دنیا بھر سے آئے سکھ یاتری حسن ابدال سے گورو دواروہ دربار صاحب کرتار پور نارووال پہنچ گئے۔ متروکہ وقف املاک بورڈ کی طرف سے یاتریوں کے لیے ٹرانسپورٹ، رہائش، سکیورٹی کے انتظامات کئے گئے۔ کرتارپور پہنچے پر بھارت سے آئے دہلی گورودارہ مینجمینٹ کمیٹی کے پارٹی لیڈر ہرجیت سنگھ بپا نے اظہار خیال کرتے ہوئے کہا کہ سکیورٹی، رہائش سمیت تمام انتظامات قابل تعریف ہیں۔ پاکستان پر امن ملک ہے، پاکستانی سکھ قوم سے دلی محبت کرتے ہیں۔ سکھ خواتین نے بھی انتظامات پر اظہار اطمینان کرتے ہوئے کہا کہ یہاں بہت عزت و احترام ملا ہے۔