کامونکی: ڈاکوؤں نے شہریوں سے ہزاروں روپے ‘ موبائل چھین لئے

کامونکی(نمائندہ خصوصی)تین موٹر سائیکل سوار ڈاکوؤں نے شہریوں سے ہزاروں روپے اور موبائل فون چھین لئے ،بتایا گیا محلہ خان ٹاؤن اور محلہ شریف پورہ کے رہائشی آصف اور علی رضا موٹر سائیکل پر نواحی گاؤں منڈیالہ پونائچ سے کامونکی آرہے تھے کہ گھنیاں موڑ پر موٹر سائیکل سوار ڈاکوؤں نے 48 ہزار روپے ‘ موبائل جبکہ اسی دوران کامونکی سے آنے والا ڈیرہ دینداراں منڈیالہ پونائچ کے فیصل سے بھی پانچ ہزار روپے اور موبائل فون چھین کر فرار ہوگئے۔ علاوہ ازیں موڑ ایمن آباد کے راحیل مغل سے ڈاکو نے 13000 ہزار روپے چھین لئے، غلہ منڈی شیخاں موڑ ایمن آباد کے علی رضا کے گھر سے طلائی انگوٹھی اور قیمتی کاغذات چور ی ہو گئے ۔