اپنے چارروزہ قیام کےدوران طالبات نے پتریاٹہ، ایوبیہ اوربھوربن سمیت مری کے مختلف تفریحی مقامات کی سیر کی۔ وزیراعلیٰ پنجاب محمد شہباز شریف جنہوں نے پنجاب ہاؤس میں طالبات سے ملاقات کے بعد انہیں  الوداع کہنا تھا مگران کا ہیلی کاپٹر موسم کی خرابی کے باعث مری لینڈ نہ کر سکا تاہم وزیراعلیٰ کی خصوصی ہدایت پرقومی اورصوبائی اسمبلی کی چارخواتین اراکین نے ان طالبات سے ملاقات کی اور انہیں اپنے گھروں کوواپسی سے قبل الوداع کیا۔ ان اراکین اسمبلی میں طاہرہ اورنگزیب، نزہت عامرصادق، ظل ہماءاورریحانہ حبیب شامل تھیں۔ مری سے واپس روانگی کے موقع پر طالبات نے وزیراعلیٰ کی جانب سے شاندار پذیرائی پران کا شکریہ اد کیا۔