شنگھائی (این این آئی) چین کے شہر شنگھائی میں ہسپانوی آرٹسٹ پکاسو کی پینٹنگز اور مجسموں کی نمائش شروع ہو گئی ہے جو تین ماہ تک جاری رہے گی۔ نمائش کا اہتمام شنگھائی ورلڈ ایکسپو کے چائنا پویلین میں کیا گیا۔ اس سلسلے میں ایک تقریب ہوئی جس میں مشہور شخصیات نے شرکت کی جن میں اداکار لوئی یی اور اداکارہ میگی چیونگ بھی شامل تھے۔ تقریب میں پکاسو کا ایک مجسمہ بھی رکھا گیا تھا اور یوں محسوس ہوتا تھا جیسے وہ بھی مہمانوں میں شامل ہیں۔ نمائش میں پکاسو کے62 فن پارے رکھے گئے ہیں۔ نمائش میں پکاسو کی تصاویر بھی رکھی گئی ہیں جس کا مقصد لوگوں کو انکی عام زندگی کے متعلق بتانا ہے۔