کراچی (سٹاف رپورٹر) پیپلز پارٹی کے زیراہتمام باغ جناح میں جلسہ عام میں جیالوں نے ’’گو عمران گو‘‘ اور ’’گو قادری گو‘‘ کے نعرے لگائے۔ پیپلزپارٹی کے جلسے میں جیالوں کے ساتھ جیالیاں بھی پرجوش تھیں۔ جلسے میں شریک خواتین کا کہنا تھا عمران خان اور طاہر القادری نے ان کے قائد کے بارے میں نازیبا الفاظ استعمال کئے ہیں، انہیں معافی مانگنی چاہئے، جب تک عمران خان اور طاہر القادری معافی نہیں مانگتے ان کے خلاف نعرے لگتے رہیں گے۔