محمد عباس نےجس طرح بولنگ کی وہ ناقابل یقین ہے، ٹی ٹوئنٹی سیریز جیتنی ہے تو بولنگ، بیٹنگ، فیلڈنگ سب میں اچھا پرفارم کرناہوگا:کپتان سرفراز احمد

آسٹریلیا کو شکست دینے کے بعد پریس کانفرنس کرتے ہوئے سرفراز احمد کا کہنا تھا کہ کھلاڑیوں کو ٹیسٹ کے بعد ٹی ٹوئنٹی سیریز میں بھی آسٹریلیا کے خلاف اچھی کارکردگی دکھانا ہوگی۔ نوجوان کھلاڑیوں نے آسٹریلیا کے خلاف زبردست پرفارمنس دی اور ٹی ٹوئنٹی سیریز میں بھی اسی تسلسل کو برقرار رکھنا ہوگا۔ پیسر محمد عباس کی کارکردگی کی تعریف کرتے ہوئے سرفراز احمد کا کہنا تھا کہ عباس نے آسٹریلیا کے خلاف بہت عمدہ بولنگ کی اور پہلے سے طے شدہ حکمت عملی کے مطابق بولنگ کرائی جس نے جیت میں اہم کردار ادا کیا۔