راجن پور: پیشی پرآنے والے افراد پر فائرنگ، 3جاں بحق، ایک زخمی

راجن پور (آئی این پی ) راجن پور کی حکیم کالونی میں پیشی پر آنے والے افراد پر موٹر سائیکل سوار افراد نے فائرنگ کر دی جس کے نتیجے میں 3 افراد جاں بحق ہوگئے۔پولیس کے مطابق کھوسہ برادری کے 6 افراد رکشے پر سوار ہوکر جام پور سے سیشن کورٹ راجن پور پیشی پر آ رہے تھے کہ 4 موٹر سائیکل پر سوار گوپانگ برادری کے 12 افراد نے اندھا دھند فائرنگ کر دی جس میں تین افراد موقع پر ہی جاں بحق اور ایک زخمی ہوگیا۔جاں بحق افراد کے رشتہ دار نے بتایا کہ ملزمان پیچھے سے موٹر سائیکلوں پر سوار تھے اور انہوں نے ہیلمٹ پہن رکھے تھے۔ رکشے کے قریب آکر اندھا دھند فائرنگ کر دی جس کے نتیجے میں شوکت، نذر اور محبوب موقع پر جاں ہوگئے اور یسین زخمی ہوگیا۔پولیس کا کہنا ہے کہ رشتہ نہ دینے کے تنازعے پر قتل کا ملزمان کو رنج تھا جس پر ملزمان نے پیشی پر آنے والے افراد کو قتل کی۔