پنڈی گھیب(نامہ نگار)معروف بینکار تنویر حسین آف مگھیاں یونائیٹد بنک لمیٹڈ میں 35 سا ل فرائض منصبی سرانجام دینے کے بعد ریٹائر ہو گئے ۔ علاقے کی معروف سماجی شخصیت تنویر حسین آف مگھیاں نے یونائیٹڈ بنک کی مختلف برانچز میں بطور کیشئر تعیناتی کے دوران عوام کیساتھ بااخلاق رویہ اختیار کرتے ہوئے ہمیشہ دیانتداری کیساتھ کام کیا , باعزت طریقے سے 35 سالہ مدتِ ملازمت مکمل کرنے کے بعد ریٹائر ہونے کے موقع پر معروف بینکار شیر افگن شیخ (سینئر منیجر بینک الحبیب پنڈی گھیب)نے انکے اعزاز میں پرتکلف ظہرانے کا اہتمام کیا جس میں ایریا منیجر یو بی ایل واہ کینٹ سید عاصم شاہ , منیجر بنک اسلامی فتح جنگ سردار ہمایوں , منیجر عسکری بنک پنڈی گھیب نثار حیدر اور مدثر عزیز نمائندہ نوائے وقت نے شرکت کی بعد ازاں یونائیٹڈ بنک پنڈی گھیب برانچ کے منیجر شیخ ضیا المصطفی کیجانب سے بھی عصرانے کا اہتمام کیا گیا جس میں بنک سٹاف کیجانب تنویر حسین کی ریٹائرمنٹ موقع پر انکی پیشہ وارانہ خدمات کو شاندار الفاظ میں سراہا گیا اور انکو پھولوں کے گلدستے اور تحائف پیش کیئے گئے ۔