اسلام آباد(نا مہ نگار)اسپیکر قومی اسمبلی اسد قیصر کی زیرِ صدارت پاک-افغان فرینڈشپ گروپ کی ایگزیکٹو کمیٹی کا اجلاس ہوا،اجلاس میں وزیر اعظم معاون خصوصی محمد شہزاد ارباب، ممبر قومی اسمبلی محمد یعقوب شیخ، رکن قومی اسمبلی محسن داوڑ نے شرکت کی۔اجلاس میں وزارت داخلہ، تجارت، کسٹم ، بورڈ انوسٹمنٹ ، ایف بی آر، سٹیٹ بینک آف پاکستان ، پی آئی اے بھی شریک ہوئے،اجلاس میں سیکیورٹرز اینڈ ایکچینج کمیشن آف پاکستان ،  ہوم ڈیپارٹمنٹ خیبر پختونخواہ کے اعلی  بھی شریک تھے ۔کمیٹی اجلاس میں پاک۔افغان ٹرنزٹ ٹریڈ اور تجارت کے امور پر تبادلہ خیال کیا گیا،اسپیکر قومی اسمبلی نے کہا کہ افغانستان پاکستان کا ہمسایہ ملک ہے اور دونوں ممالک   کے مفادات ایک دوسرے کے ساتھ جڑے ہوئے ، پاک افغان تجارت اور ٹرانزٹ ٹریڈ میں باڈر مینجمنٹ کا کردار انتہائی اہمیت کا حامل ہے، پاک۔ افغان فرینڈ شپ گروپ کی ایگزیکٹو کمیٹی نے گزشتہ دوسالوں سے پاک۔ افغان ٹرانزٹ ٹریڈ میں حامل رکاوٹوں کو دور کرنے تجارت میں اضافے کے لیے قابل ستائش کردار ادا کیاہے، پاک-افغان فرینڈ شپ گروپ کی ایگزیکٹو کمیٹی کا ہر ہفتے اجلاس بلایا جائے گا،افغانستان پائیدار امن کا قیام خطے کی ترقی اور خوشحالی کے لیے ناگزیر ہے، افغانستان میں امن اور  استحکام سے وسطی ایشیائی ممالک تک برآمدات  میں اضافے کے مواقعے پیدا ہونگے ، اسد قیصرنے کہا کہ پاک۔افغان تجارت میں حاحل رکاوٹوں کو اوٹ باکس حل نکالنا ضروری ہے، پاکستان اور افغانستان ایک دوسرے کے لیے لازم و ملزوم ہیں پاک-افغان تجارت اور ٹرانزٹ ٹریڈ  میں رکاٹوں دور کرنے کیلیے ہر ممکن اقدامات اٹھائے جائیں،پاکستان اور افغانستان کے مابین ہمارے ادراے کا  انتہائی اہمیت کا حامل ہے، پاک۔افغان تعلقات اور تجارت کے حوالے امور   پر ایوان میں بحث کرائی جائے گی، فاٹا اور افغانستان جنگ سے متاثر ہوئے ہیں جس کی وجہ سے وہاں کے مسائل بہت زیادہ ہیں، اسپیکر کی متعلقہ حکام کو پاک-افغان باڈرز پر کنٹینرز کی سکینگ اور کسٹم کلئرنس میں تیز ی لانے کی ہدایت کی،انہوں نے کہا کہ پاک-افغان باڈر پر سلو سکینگ اور کسٹم کلئرنس میں تاخیر کی وجہ سے تاجروں کو تجارتی سامان خراب ہونے سمیت دیگر مسائل کا سامنا کرنا پڑتا ہے،کمیٹی کی ہدایت پر چیف سیکرٹری کو پاکستان اور افغانستان کے مابین بس سروس کی کی بحالی کے لیے سمری بھیج دی گئی۔