II  باڑہ مارکیٹ میں جرگہ، دکاندار جاں بحق،  ڈھوک پنوں میں لڑکی قتل

راولپنڈی(اپنے سٹاف رپورٹر سے)باڑہ مارکیٹ میں جرگے میں دکاندار جاں بحق ہوگیاجبکہ ڈھوک پنوں میں 13سالہ لڑکی قتل کر دی گئی تھانہ سٹی کو حامد صاد ق سکنہ محلہ سید پور راولپنڈی نے بتایا کہ میرا بڑا بھائی عامر صادق راجہ بازار میں کپڑے کی دکان کرتا ہے جس نے گھر فون کرکے بتایا کہ رقم کے لین دین کے سلسلے میں شیخ حفیظ کے ساتھ جرگہ ہے بہت دیر کے بعد اس کے گھر سے کال آئی کہ ابھی تک کیوں نہیں آئے تو عامر صادق نے بتایا کہ باڑہ مارکیٹ میں خاور نثار کے گودام کی چھت پر حفیظ الرحمٰن ، یاسر قیصر عمران اور شاہد خان سے لین دین کی بات چل رہی ہے جس کے بعدبیوی نے فون کیا تو بھائی عامر صادق نے کال اٹینڈ نہ کی اور یاسر نے مجھے کال کرکے بتایا کہ ڈی ایچ کیو ہسپتال پہنچے آپ کے بھائی عامر صاد ق کی حالت سیرئس ہے ہسپتال سے معلوم ہوا کہ عامر صادق یہاں پہنچنے سے پہلے ہی جاں بحق ہوچکا تھاجسے رکشے میں لایا گیا شبہ ہے کہ بھائی کو قتل کیا گیا ہے تھانہ صادق آباد کوحفیظ اللہ نے بتایا کہ ڈھوک پنوں کے علاقے میں نامعلوم افراد نے فائرنگ کرکے مدعی کی 13سالہ بیٹی رھبا کو قتل کر دیاہے ۔