اسلام آباد(خبرنگار)ملک کے بالائی علاقوں میں چند مقامات پر تیز ہواوں اورگرج چمک کے ساتھ بارش جبکہ بلند پہاڑوں پر برف باری کا امکان ہے ۔ محکمہ موسمیات کے مطابق بدھ کے روز کشمیر، گلگت بلتستان ، بالائی خیبر پختونخوا، اسلا م آباد اور بالائی پنجاب میں آندھی،تیز ہواوں اورگرج چمک کے ساتھ بارش جبکہ بلند پہاڑوں پر برفباری کا امکان ہے اس دوران چند مقا مات پر ژالہ باری کی بھی توقع ہے تاہم ملک کے دیگر علاقوں میں موسم خشک رہے گا۔گذشتہ 24 گھنٹوں کے دوران ملک کے بیشتر علاقوں میں موسم خشک رہا تاہم بالا کوٹ اور راولا کوٹ میں گرج چمک کے ساتھ بارش ہوئی۔ سب سے زیادہ بارش خیبر پختونخوا میں بالا کوٹ 01، کشمیر میں راو لا کوٹ میں02 ملی میٹر بارش ریکارڈ ہوئی۔ اس دوران ملک میں کم سیکم درجہ حرارت لہہ منفی 03، زیارت ایک ، اسکردو اورکالام میں 2 ڈگری سینٹی گریڈریکارڈ کیا گیا۔