چیف آف ائیر سٹاف انٹرنیشنل سکواش ٹورنامنٹ آج سے شروع ہو گا

لاہور(سپورٹس رپورٹر) پاکستان سکواش فیڈریشن کے زیراہتمام چیف آف ائیر سٹاف انٹرنیشنل سکواش ٹورنامنٹ آج سے 19 اکتوبر سے مصحف سکواش کمپلیکس اسلام آباد میں شروع ہو گا۔
پاکستان سکواش فیڈریشن کے سیکرٹری جنرل گروپ کیپٹن ظفریاب اقبال نے بتایا کہ ٹورنامنٹ کے تمام انتظامات مکمل کرلئے گئے ہیں اور ٹورنامنٹ میں تیرہ ممالک کے مرد اور خواتین کھلاڑی حصہ لے رہے ہیں اور ٹورنامنٹ کے کوارٹر فائنل مقابلے 21 اکتوبر کو، سیمی فائنل 22 اکتوبر کو اور فائنل مقابلے 23 اکتوبر کو ہونگے جس کے اختتام پر کامیابی حاصل کرنے والے کھلاڑیوں میں ٹرافیاں اور انعامات تقسیم کئے جائیں گے۔ مینز کیٹیگری کےلئے 30 ہزار ڈالر اور خواتین کےلئے 12 ہزار ڈالر کی انعامی رقم رکھی گئی ہے۔