ماڈرن پینٹاتھلون اوپن ایشین چیمپئن شپ ‘پاکستان نے 3میڈل جیت لئے 

لاہور(سپورٹس رپورٹر)پاکستانی دستے نے کرغستان میں ہونیوالی ماڈرن پینٹاتھلون اوپن ایشین چیمپئن شپ کے لیزر رن ایونٹ میں 3میڈلز جیت لئے ہیں۔ محمدمنیر نے گولڈ، نعیم احمد ظفر نے سلور اور رانا محسن نے براو¿نز میڈل جیتے،پاکستانی ٹیم کو پوائنٹس کی بنیاد پر ٹرافی سے بھی نوازا گیا،ماڈرن پینٹاتھلون اوپن ایشیئن چیمپئن شپ بشکیک میں ہوئی،پاکستان سمیت 8ممالک نے شرکت کی،ڈائریکٹر جنرل سپورٹس پنجاب محمد طارق قریشی نے پاکستانی دستے کو ماڈرن پینٹاتھلون اوپن ایشین چیمپئن شپ میں میڈلز جیتنے پر مبارکباد دی ، پاکستانی دستے کے نام تہنیتی پیغام میں کہا کہ محمد منیر، نعیم احمد ظفر اور رانا محسن نے میڈلز جیت کر ملک کا نام روشن کیا ہے۔ ماڈرن پینٹاتھلون گیمز کے فروغ کےلئے کھلاڑیوں کو سہولیات فراہم کررہے ہیں، ماڈرن پینٹاتھلون کے ایونٹس پنجاب گیمز میں بھی کروارہے ہیں۔