کراچی ( اسپورٹس رپورٹر)  بھارتی صحافی اور کرکٹ کمنٹیٹر ہرشا بھوگلے نے کہا ہے کہ بابر اعظم کی بیٹنگ بور نہیں ہونے دیتی۔ میری بابر سے کئی بار کرکٹ سٹیڈیم میں ملاقات ہوئی ہے اور یہ ملاقات بہترین رہی لیکن میں نے حال ہی میں ایک نئی چیز دیکھی جب میں میلبورن کے گرانڈ میں تھا اور پاکستان اور نیوزی لینڈ کا میچ دیکھ رہا تھا۔ بابر نے اس میچ میں ٹم سائوتھی کا ایک شاٹ کھیلا جس میں وہ سیدھے کھڑے تھے اور انہوں نے بائولر کے پاس سے سیدھا شاٹ کھیلا اور اس وقت مجھے لگا کہ مجھے ایسی کئی شاٹ دیکھنی ہیں، بابر دنیا کے دلچسپ کھلاڑیوں میں سے ایک ہے اگر آپ کے پاس کچھ نہیں ہے تو آپ بابر  اعظم کی بیٹنگ دیکھیں آپ بور نہیں ہوں گے۔