پٹرولنگ پولیس خانپور چیک پوسٹ میں تعینات اہلکار عوام کیلئے وبا ل جان ، گاڑیوں کو روک کر بھتہ وصول کرنا معمول بنالیا 

شیخوپورہ(نمائندہ نوائے وقت) پٹرولنگ پولیس خانپور چیک پوسٹ میں تعینات اہلکار عوام کیلئے وبا ل جان بن گیا مسافر و پرائیویٹ گاڑیوں کو روک کر بھتہ وصول کرنا معمول بنالیا ، کانسٹیبل ثاقب اقبال کے خلاف مسافروں نے شدید احتجاج کرتے ہوئے بتایا کہ مسافر و پرائیویٹ گاڑیوں کو روک کر اس کانسٹیبل نے بھتہ وصولی کا سلسلہ ایک عرصہ سے شروع کررکھا ہے جب سے یہ تعینات ہوا ہے یہاں سے گاڑیوں کا گزرنا محال کئے ہوئے ہے جس سے مقامی شہریوں سمیت مسافر شدیدپریشان ہیں متعلقہ اعلیٰ حکام سے اپیل ہے کہ کانسٹیبل ثاقب اقبال کی فوری تبدیلی عمل میں لا کر اسکے خلاف محکمانہ کارروائی کی جائے۔