بہت جلد عمران خان کا بیانیہ زمین بوس ہوجائیگا:شہباز چھینہ

شیخوپورہ(نمائندہ خصوصی) مسلم لیگ (ن) کے رہنما وحلقہ پی پی 139 کے کنونیئر چودھری شہباز چھینہ نے کہا ہے عمران خان ضمنی انتخابات کی سیاست کے ذریعے عوام کی توجہ اپنی کرپشن ،نااہلی،نالائقی اور آڈیو لیکس سے ہٹانے کی کوششیں کررہے ہیںمگر وہ اس میںکامیاب نہیںہونگے اب قوم کے سامنے سچ آنا شروع ہوگیا ہے بہت جلد عمران خان کا بیانیہ زمین بوس ہوجائیگا نواز شریف کی آمدکے بعد عمران خان کوجلسے تودورکی بات چھپنے کی جگہ بھی نہیںملے گی شرقپور میں نواز لیگ کی کامیابی دراصل نواز شریف کے بیانیہ کی کامیابی ہے عام انتخابات میں نواز لیگ شیخوپورہ سمیت ملک گیر کلین سویپ کریگی ان خیالات کااظہارانہوںنے یہاںصحافیوںسے گفتگو کرتے ہوئے کیا اس موقع پر چودھری کامران ورک،چودھری بلال خادم ورک ،چودھری سرفراز احمدچھینہ سمیت دیگربھی موجودتھے انہوںنے کہا ایک طرف عمران خان الیکشن کمیشن کو دھمکیاںدے رہے ہیں تودوسری طرف وہ انتخابی نتائج پر شادیانے بجا رہے ہیں یہ انکا دوہرا معیار ہے ۔