آرکٹک اوپن بیڈ منٹن : ٹاپ سیڈڈ وکٹر ایکسلسن دوسرے راؤنڈ میں پہنچ گئے

 ڈنمارک کے نامور بیڈ منٹن کھلاڑی اور ایونٹ کے ٹاپ سیڈڈ وکٹر ایکسلسن بی ڈبلیو ایف ورلڈ ٹور کےڈنمارک اوپن بیڈ منٹن ٹورنامنٹ میں اپنی عمدہ کارکردگی کی بدولت مردوں کے سنگلز مقابلوں کے دوسرے راؤنڈ میں پہنچ گئے ۔ڈنمارک میں بیڈ منٹن اوپن ٹورنامنٹ کے کانٹے دار مقابلے جاری ہیں ، جمعرات کو ڈنمارک کے تیسرے بڑے شہر اوڈینس کے ایرینا فائن میں کھیلے گئے مردوں کے سنگلز مقابلوں کے ابتدائی راؤنڈ میں 29 سالہ میزبان ٹاپ سیڈڈ کھلاڑی وکٹر ایکسلسن نے شاندار کارکردگی کا مظاہرہ کیا ۔وکٹر ایکسلسن نے ہم وطن حریف کھلاڑی میگنس جوہانسن کو سٹریٹ سیٹس میں 7-21 اور 9-21 سے شکست دے کر نہ صرف ٹورنامنٹ کا فاتحانہ آغاز کیا بلکہ دوسرے راؤنڈ کے لئے بھی کوالیفائی کرلیا۔