جمہوریت کا فروغ ہماری منزل ہے :منیر قمر واہگہ 

شیخوپورہ (نمائندہ نوائے وقت) پیپلز پارٹی کے ڈویژنل نائب صدر چوہدری منیر قمر واہگہ کی زیر صدارت ضلعی سینئر نائب صدر چوہدری خالق عزیز ورک کے ڈیرہ پر سانحہ کارساز شہداء کے درجات کی بلندی کیلئے دعائیہ تقریب کا اہتمام کیا گیا جس میں سٹی صدر سید ندیم عباس کاظمی، رانا محمد اکرم ناز، کاشف گیلانی و دیگر پارٹی رہنماؤں اور کارکنان نے شرکت کی، اس موقع پر خطاب کرتے چوہدری منیر قمر واہگہ نے کہا کہ سانحہ کارساز کراچی کے شہداء کو ہم کبھی نہیں بھولیں گے جنہوں نے پارٹی قیادت کا بھرپور ساتھ دینے کی پاداش میں جام شہادت نوش کیا اور دہشت گردوں پر واضح کیا کہ ہم شرپسندانہ کارروائیوں سے گھبرانے والے نہیں جمہوریت کا فروغ ہماری منزل ہے اور اس کاز کی خاطر ہم پارٹی چیئرمین بلاول بھٹو زرداری کی قیادت میں متحد و برسر پیکار ہیں۔