شیخوپورہ (نمائندہ خصوصی) مچھلی کے شکار کا سالانہ آل پاکستان ٹورنامنٹ 20 اکتوبر بروز اتوار ہرن مینار شیخوپورہ میں منعقد کیا جائیگا جس کے انتظامات کو حتمی شکل دیدی گئی ہے، ان خیالات کا اظہار پی ٹی آئی کے ضلعی نائب صدر اور مچھلی کے سالانہ ٹورنامنٹ کے چیف آرگنائزر ڈاکٹر محمد اسلم خان شیروانی نے میڈیا سے گفتگو کرتے کیا۔ ڈاکٹر محمد اسلم خان شیروانی نے مذید بتایا کہ ٹورنامنٹ میں فاتح قرار پانے والے کھلاڑی کو 10 ہزار روپے نقد و ٹرافی جبکہ رنر اپ کھلاڑی کو 5 ہزار روپے نقد و ٹرافی اور تیسری پوزیشن حاصل کرنے والے کھلاڑی کو 2ہزار روپے نقد اور ٹرافی دی جائیگی،  تقریب تقسیم انعامات میں سرسید ماڈل سکول کے چیف ایگزیکٹیو سہیل احمد کرمانی اور حماد سعید خان ترین مہمان خصوصی کی حیثیت سے شرکت کریں گئے جبکہ مہمان خصوصی میں الیاس خان شیروانی‘ عبدالغنی سندھو، رانا مسعود اقبال، غلام نبی ورک، میاں احمد ربانی، ملک محمد فرخ قیوم، رانا نثار احمد، طاہر حسین، یونس مغل، حسن یاسر، حسین یاسر، علی عثمان، حماد انس و دیگر نمائندہ شخصیات شامل ہیں۔