چیچہ وطنی :بس کی ٹکر سے موٹرسائیکل سوارما ں ‘بیٹا جاں بحق

چیچہ وطنی( نامہ نگار ) بورے والا روڈ پر منی بس کی ٹکر سے موٹر سائیکل سوار ماں‘ بیٹا جاں بحق ہوگئے۔ گاؤں 107 بارہ ایل کے رہائشی موٹر سائیکل سوار محمد شفیق اپنی والدہ کے ہمراہ گاؤں جارہے تھے کہ تیز رفتار منی بس کی ٹکر سے گر گئے جس کے نتیجے ماں جیون بی بی موقع پر ہی جاں بحق ہو گئی جبکہ بیٹا محمد شفیق ساہیوال ٹیچنگ ہسپتال میں شدید زخموں کی تاب نہ لاتے ہوئے دم توڑگیا ۔حادثہ تیز رفتاری کے باعث پیش آیا۔