اسلام آباد (نمائندہ خصوصی) بلاول بھٹو زرداری کو پاکستان پیپلز پارٹی اور پاکستان پیپلز پارٹی پارلیمنٹیرین کا پارلیمانی لیڈر منتخب کر لیا گیا۔ اس سلسلے میں تجویز رکن قومی اسمبلی اصفہ بھٹو زرداری نے دی جس کی ارکان نے منظوری دے دی۔ پاکستان پیپلزپارٹی کے چیئرمین بلاول بھٹو زرداری کی سربراہی میں پی پی پی پی کا مشترکہ پارلیمانی اجلاس ہوا۔ چیئرمین بلاول بھٹو زرداری کے ہمراہ رکن قومی اسمبلی بی بی آصفہ بھٹو زرداری بھی موجود تھیں۔ بلاول بھٹو زرداری نے پی پی پی پی کے مشترکہ پارلیمانی اجلاس میں شہدائے کارساز کو خراج عقیدت پیش کیا۔ پاکستان پیپلزپارٹی پارلیمنٹرینز کے مشترکہ پارلیمانی اجلاس میں شہدائے کارساز کے لئے دعا کی گئی۔