کولمبومیں کھیلے جانے والے وارم اپ میچ میں انگلینڈ کی ٹیم ٹاس جیت کر پہلے بیٹنگ کرتے ہوئے ایک سو گیارہ رنز بناکرآؤٹ ہوگئی، انگلش کھلاڑی لیوک رائٹ نے اپنی ٹیم میں سب سے زیادہ اڑتیس رنزبنائے۔ پاکستانی سپنر سعید اجمل نے چار کھلاڑیوں کو پویلین کی راہ دکھائی جبکہ یاسرعرفات اور رضا حسن نے دو، دو وکٹیں حاصل کیں۔ تاہم قومی ٹیم ہدف کا تعاقب کرنے میں ناکام رہی۔ قومی ٹیم مقررہ بیس اوورز میں نووکٹوں کے نقصان پر صرف چھیانوے رنز بناسکی۔ پاکستان کی طرف سے اسد شفیق بیس رنز بناکرٹاپ سکور رہے۔ واضح رہے کہ ٹی ٹونٹی ورلڈ کپ میں پاکستانی ٹیم اپنا پہلا میچ اتوار کے روز نیوزی لینڈ کے خلاف کھیلے گی۔