بنوں (این این آئی) بنوں میں دہشت گردوں کی پولیس چوکی پر فائرنگ سے 2 پولیس اہلکار جاں بحق ہو گئے جبکہ جوابی کارروائی میں 3 دہشت گرد ہلاک ہو گئے۔ مرنے والے پولیس اہلکاروں کے نام صادق زمان اور نور علی شاہ ہیں۔ پولیس چوکی پر دہشت گردوں نے اندھادھند فائرنگ کی جبکہ دہشت گرد اپنے 2 ساتھیوں کی لاشیں بھی ساتھ لے گئے۔ پولیس حکام کا کہنا ہے علاقے کا محاصرہ کرکے ملزمان کی گرفتاری کیلئے چھاپہ مار کارروائیاں شروع کر دی گئی ہیں۔  علاوہ ازیں تربت سے  آئی این پی+ این این آئی کے مطابق  تربت میں ایف سی کے کانوائے کے قریب بم دھماکے میں ایک سکیورٹی اہلکار جاں بحق ہو گیا۔ ایف سی کی کانوائے تربت کے قریب معمول کی گشت پر تھی اس دوران زیرزمین چھپائی گئی بارودی مواد سے زوردار دھماکہ ہوا۔ دھماکے سے گاڑی کو شدید نقصان پہنچا جبکہ ڈیرہ مراد جمالی کے علاقے صدر پولیس تھانہ کی حدود میں مسلح افراد کی گائوں پر ہوائی فائرنگ اور کریکر بم دھماکے دیہاتوں میں خوف وہراس پھیل گیا۔ تاہم کسی جانی ومالی نقصان کی اطلاع نہیں ملی۔ ضلع پنجگور کے علاقے کرمانی میں نامعلوم افراد نے فائرنگ کر کے ایک شخص کو قتل کر دیا۔ لیویز نے لاش قبضے میں لے کر ہسپتال پہنچا دی۔