لاہور (کلچرل رپورٹر) اینگرو فوڈز ترنگ نے گزشتہ رات رائل پام کلب میں نئی پاکستانی فلم ’’جوانی پھر نہیں آنی‘‘ کے گانے کی تقریب رونمائی کا اہتمام کیا جس میں فلم کے ڈائریکٹر ندیم بیگ، ہیرو اور پروڈیوسر ہمایوں سعید، واسع چودھری، اداکارہ عائشہ خان، مہوش حیات، ثروت گیلانی اور سوہائے علی ابڑو اور دیگر شوبز شخصیات نے شرکت کی۔ اس تقریب میں فلم کا ایک گانا دکھایا گیا۔ اس گانے کو اینگرو فوڈز ترنگ نے سپانسر کیا ہے۔ یہ گانافلم کے ہیرو ہمایوں سعید اور ہیروئن سوہائے علی ابڑو پر عکسبند کیا گیا ہے۔ اس گانے میں مہندی کی تقریب دکھائی گئی ہے جس میں ایک جشن کا سا سماں ہے اور گانے میں شرکا کو ترنگ سے بنی چائے سے لطف اندوز ہوتے دکھایا گیا ہے۔ اس موقع پر جنرل منیجر ترنگ بیوریج اینڈ میڈیا سلمان علی نے کہا کہ ترنگ نے ہمیشہ پاکستانی فلمی صنعت اور سینما کو سپورٹ کیا ہے اور یہ سپورٹ مستقبل میں بھی جاری رہے گی۔ اس موقع پر ہمایوں سعید نے کہا کہ فلم عیدالاضحی پر ریلیز ہو گی۔ امید ہے کہ فلم بینوں کو پسند آئے گی۔