ٹیم کا کلچر بہتر ہوگا تو نتائج اچھے ملیں گے: وسیم باری

ویسٹ انڈیز کے خلاف سیریز چیلنج، مقابلہ آسان نہیں، کامیابی کیلئے محنت کرنا ہوگی: ٹیم منیجر
لاہور(سپورٹس رپورٹر) قومی ٹیم کے نئے منیجر وسیم باری نے کہا ہے کہ قومی ٹیم کے منیجر کے فرائض انجام دینا اعزاز ہے۔ دوسرا میرے لیے بھی یہ دورہ چیلنج ہوگا کیونکہ دورہ میں ٹیم کلچر کو فروغ دینا ہے۔ اگر ٹیم کلچر بہتر ہوگا تو نتائج بھی اچھے مل سکیں گے۔ ویسٹ انڈیز کے ساتھ مقابلہ آسان نہیں ہیں، قومی ٹیم کو جیت کے لیے تینوں شعبوں بیٹنگ، باولنگ اور فیلڈنگ میں اچھا پرفارم کرنا ہوگا۔ میری کوشش ہوگی کہ تمام لوگوں کو ساتھ لیکر چلوں۔ ٹی ٹونٹی اور ون ڈے کرکٹ میں کچھ بھی نہیں کہا جا سکتا ہے۔ جو ٹیم بھی اس دن اچھا کھیلے گی وہ کامیاب ہو جائے گی۔ ویسٹ انڈیز کے خلاف کامیابی کے لیے میدان میں اتریں گے۔