تلہار (پی پی آئی/نامہ نگار)ٹنڈو محمد خان پولیس نے گائوں عبدالرحمٰن جگسی میں  8 ماہ کی شیر خواربھتیجی بختاور خاصخیلی کے قتل میں ملوث حقیقی چچی کو گرفتار کیا ہے۔پولیس نے شک کی بنیاد پر بچی کی چچی کو حراست میں لیا تو خاتون نے بچی کے قتل کا اقرار کر لیا۔،شقی القلب چچی نے 8 ماہ کی بھتیجی کو واٹر کورس میں پھینک کر قتل کر دیا تھا۔ اہل خانہ کو 8 ماہ کی بچی مقتولہ بختاور کی لاش واٹر کورس سے ملی تھی جس کے بعد ٹنڈو محمد خان پولیس نے دوران تفتیش ملزمہ سے پوچھ گچھ کی تو اس نے پولیس کو بیان دیا کہ گھریلو تنازع پر گھر کے ساتھ گزرنے والے واٹر کورس میں بچی کو پھینک کر قتل کر دیا تھا۔پولیس نے مقتولہ کے دادا امید علی خاصخیلی کی مدعیت میں مقدمہ درج کر لیا ہے۔